بسم الله الرحمن الرحيم
السلام عليكم ورحمة الله وبركاته
دعوة عامة الى حجب المواقع الاباحية بمصر !!!!
لماذا لا يتم حجب المواقع الإباحية فى مصر؟؟
هو ايه فائدة عدم حجب المواقع الاباحية فى مصر ؟ مش عارف صح !!!
بتزود الدخل مثلا ؟ لأ
بتجيب سياحة ؟ لأ
بتجيب دولار ؟ لأ
بتجيب ضعف جنسى ؟ اه
بتجيب خراب فى البيوت ؟ اه
بتجيب وبتشجع على جرائم الاغتصاب ؟ اه
الخ الخ الخ الخ .........
طب ساكتين ليه فى مصر عليها ؟ مش عارف
طب سؤال تانى لو مصر حجبت المواقع الاباحية هيبقى خير ولا شر ؟
طب لو خير منعملوش ليه ؟
وأهم الأشياء الضرورية التي ترعاها الشريعة الإسلامية لجميع رعاياها، ألا وهي : الدِّين، النفس، العقل، النسل، والمال
والمواقع الاباحية بلا ريب تقضى عليها جميعاً
الموضوع ده شاغلنى منذ فترة كبيرة ومش عارف ازاى ممكن يتحقق !
يعنى مين يساعد!
مين يضغط على أصحاب القرار فى الموضوع ده !
كلنا شفنا مثلاً دعوات الاضراب اللى ملت الانترنت بمعدل كل شهر اضراب، وفيه منها كان له تأثير ومنها لأ، وبغض النظر عنها انا اللى يهمنى ان الانترنت ده كائن قوى كامن ممكن يعمل تغيير نحو الخير ونحو الشر وانا هنا ان شاء الله ادعوكم جميعاً الى الخير وهو ايه
دعوة عامة الى حجب المواقع الاباحية بمصر !!!!!!
انا متفائل بنجاح الموضوع ده ليه؟ لانه مش ضد حد خالص (بيتهيألى كده) ومحدش هيقدر يدافع عن عدم الحجب ! ( أتمنى لان فيه ناس جريئة بشكل غريب ) لانه سوف يتم اتهامه بتهم اخلاقية ذميمة وهيترمى فى مزبلة التاريخ وهيخاف يدافع حتى لو من جواه مش موافق لسبب او لاخر! صح
الامارات طبقت الحجب فى أبريل 2008 --- طيب مصر امتى ؟
فلو قلنا الدش صعب ازاى هنمنع القنوات الاباحية ؟ طيب الانترنت سهل جداً عن طريق حجب الآى بى ويتم تطبيق ذلك فى معظم الدول العربية مثل الامارات والسعودية وحتى الصين لتزيد من انتاجها وعدم اضاعة الوقت وغيرهم
يعنى الفكرة مش جديدة بس ليه مش مطبقة فى مصر مش عارف !!
بس عاوزك تتخيل حاجة صغيرة ان شاء الله لما الموضوع ده يتحقق ( قريب ان شاء الله ) هتبقى ليك كام حسنة عند المولى عزوجل انك شاركت فى حماية شباب بلادك ! متخيل؟؟
باختصار الموضوع جاهز وعاوز زقة صغيرة منك ومنى ومن كل مسلم غيور على دينه وانا مستغرب جداً هو ازاى فى بلد اسلامى وبلد الازهر كمان لم يتم حجب المواقع من البداية مش من دلوقتى وبس !!! بس مش مهم اهو ما لا يُدرك كله لا يُترك كله، ونلحق اللى لسه مشافش ومعرفش ... وناخد احنا الثواب ان شاء الله
انا دخلت على موقع ترتيب المواقع لكل بلد فلقيت فى معظم الدول العربية كام موقع جنسى فى صدارة أكثر مائة موقع يدخلها المواطنون العرب، فى مصر مثلاً المواقع الاولى جوجل وياهو وميكروسوفت وفيسبوك ومصراوى والبلوجز ومواقع رفع الملفات وبداية هذه المواقع الاباحية من رقم 25 تخيل ده بيدخلوا كام مليون مصرى يومياً ؟؟؟
** لو حد ممكن يُلحق الموضوع ده بالحملة اللى كانت منتشرة على الفضائيات لعلاج حالات ادمان المخدرات واهو كله ادمان برضوا يبقى كتر خيره
** لو حد يعرف نائب فى مجلس الشعب يتبنى تقديم طلب احاطة يبقى كتر الف خيره
** لو حد يعرف يوصل لقناة فضائية تعرض الموضوع وتتبناه يبقى كتر الف خيره
** لو ممكن اى مصمم يزودنى بمجموعة تواقيع وشعارات وخلفيات تخدم الموضوع
** وان شاء الله انت انوى خير بس وربنا هيشرح صدرك لفكرة تحقق الهدف ان شاء الله تعالى
كيف ننظم الموضوع وننشره بشكل جدى؟
*ممكن عمل قسم منفصل لهذه الحملة وعمل موضوع منفصل لكل فكرة ستطرح بحيث يتم تنظيم العمل بشكل كبير وتوفير الوقت والمجهود على الكثيرين بإذن الله
أرجو من الجميع المساهمة
للنطلق على بركة الله
*نشر هذا الموضوع بكل ما أوتينا , بالبريد الإلكتروني وفي المواقع والمنتديات العربية والغربية لمن له اطلاع على الألسن الأخرى وفي الغرف الصوتية والمجموعات البريدية ومراسلة المواقع الكبرى كـ " طريق الإسلام " - مثلا - .
وفي ذلك من الفوائد ما الله به عليم من نشر الوعي وإيصال النصيحة لمن لا يدري , وتحريك القلوب الساكنة وإحياء القلوب الموات لمن يدري وأعرض .
وحبذا لو يدلي كل أحد بدلوه في الموضوع فالموضع في حاجة للإثراء بالأفكار والأمور الفعالة التي يجتمع فيها المسلمون جميعا .
أيضا : حبذا لو يتم إحالة الموضوع - عند نشره - بمكان بعينه ( موقع أو منتدى ) حتى تجتمع فيه كلمات الناس وأفكارهم ولا تشتت .
* ممكن نتصل بقناة الرحمة والحكمة ويتبنوا الموضوع ده وتبقى حملة حجب المواقع الجنسية بالإتصال بالقناتين أو مراسلة الرسائل والإتصال بالمشايخ على الهواء أو مراسلة موقع القناتين الحكمة والرحمة وتكون حملة مشتركة من القناتين إن شاء الله و وذلك نضمن قوة الحملة إن شاء الله
هذا بريد للتواصل مع قناة الحكمة ممكن نرسل لهم فكرة الحملة(تم حذف الإيميل لأن عرضه مخالف لشروط المنتدى)
*تبقى ندوات ودروس عامة لكل المشايخ للتحذير من هذه المواقع والقنوات أيضاوممكن أيضا نتصل بالمشايخ على الهواء أو غير الهواء ونبلغهم عن هذا الموضوع
* فمثلا عمل بوسترات معبره تبين مدى خطرها على الاسر
*تجميع صوتيات ومرئيات مشيخنا الافاضل عن هذا الموضوع
ودمجها فى سلسله وعمل اسطوانات دعويه لذلك
وتوذيعها على قدر المستطاع كل فى منطقته فى المساجد
فى مواقف السيارات فى مدارس الثانويه فى الجامعات
*اجعل الحمله فى منطقتك عن طريقك انت ان كنت تدعوا
فى مساجد او تخطب جمع
او محادثة خطباء منطقتك عن الحمله واهميتها وسيوافق باذن الله
*فلترة الشبكه المحليه اللى انت مشترك فيها
ونحتاج فيها الاخوه فى فرسان البرامج
فالفكره قديمه....فلترة الشبكه....عن طريق عدة طرق
وانا سمعت ان السعوديه مفلترة الشبكه كامله
فالفكره ستكون بسيطه باذن الله لو تمت على شبكه محليه
فالامر بسيط ولكن محتاج همه من فرسان البرامج
*توعية الأباء بخطورة هذا الأمر و فى نفس الوقت محاولة تعليمهم
أبسط طرق السيطرة على هذه المواقع بالنسبة لبيتهم و عمل ورقات توضح
بكل سهولة كيفية تنزيل هذه البرامج (المانعة للمواقع الإباحية) و التحكم فيها .
*محاولة فتح المواقع الإسلامية كفرسان السنة والطريق إلى الله المحجوبة ببعض الدول العربية وايجاد الوسائل لمنع هذا أو تخطيه ليستفاد الشباب مما فيهم من خيرات
*فمن من الفرسان يتطوع لإنشاء مدونة او موقع للحملة؟؟؟؟؟؟؟؟
*نحن نويد ونساند أن تقوم شركة adsl
أسلامية فى هذا العصر تابعة لمركز اسلامى
تقوم بتقديم خدمة أنترنت اسلامى
والكل سوف يدعمها
بل انا على ثقة بان غير الملتزمين سوف يدعمو هذه الشركة
فمن لها ؟؟
هذه هى بعض المواد التى ممكن أن تفيد فى الحملة:
http://proxy-56.dailymotion.com/15/3...70623e1134ab39
المواقع الإباحية لذة ساعة وألم دهر الشيخ سعيد عبد العظيم
http://download.media.islamway.com/l...7yah_video.wmv
وهذا أحد البحوث عل شكلpowerpoint قد يفيدنا
http://www.saaid.net/mktarat/abahiah/1.zip
وهذه فلاشات مفيدة
http://saaid.net/flash/net.htm
ها هي أيضا قصة رائد المؤثرة
http://saaid.net/flash/1201751127
السهم المسموم ل الشيخ إبراهيم بن عبد الله الدويش
للإستماع من هنا
http://www.islamway.com/?Islamway&iw...&scholar_id=19
ترويض الشهوه---- للشيخ أحمد جلال
- هلاك دوت كوم ----للشيخ أحمد جلال
وأيضا هذه حلقه من برنامج نبض الشباب لشيخنا الفاضل محمد الصاوي
تسمي الشباب والإنترنت
http://www.way2allah.com/modules.php...iles&khid=5363
وحلقه أخري تسمي طرق الحمايه من الإنترنت
http://www.way2allah.com/modules.php...iles&khid=5473
العرض العادي
